依排虽然做嘢辛苦，但系见到咁多朋友关心我支持我，我觉得真系好幸福啊！

唔开心肯定要吐下苦水嘎啦，不过其实兔仔好坚强嘎，少少苦楚等于激励，喺大家嘅精神支持下我迟d就会重出江湖嘎啦，你哋要等我啊！

今日元宵，鼠年嘅春节话咁快就过咗了，冇感觉，除咗成日都觉得眼训之外......所以，我鼠年嘅愿望就系可以训好觉，精精神神，摆脱黑眼圈！当然，仲有d贪心d嘅愿望就唔咁扬咁讲啦......(*^__^*) 嘻嘻……

过年都冇乜时间见大家，好挂住你哋啊！！！祝同学们身体健康，心想事成，万事如意，哇哈哈哈~~~~（好行啊......）（无计，好眼训......）

今年过年好特别，特别在...等于冇过年咯，日日都要加班做嘢。从年初二到今日（可能听日都要），唔系去客户度做嘢就系自己喺屋企或者返公司做嘢，寻晚仲做到两点钟添！我觉得好辛苦，好想喊啊，依一个月黎几乎完全冇休息过。印象中，除咗喺海南岛果两晚累到一训落床就训着之外，就算寻晚咁累都训得好差，成个脑都系挥之不去嘅项目嘅嘢，我就快死嘎啦~~~今日阿妈问起，我仲唔敢讲寻晚系加班到咁夜，我怕佢担心我，惊我辛苦啊！可能阿爸阿妈仲以为我日日出去玩得好开心添~~唉~~~！

我做亲嘢，一系唔做，一做就想做好佢。点解我会做得咁辛苦呢？系我方法问题？定系客观原因？我知道捱过去就冇事嘎啦，人生经历里面总会有d痛苦嘅过程嘅，但系，究竟几时先可以过去呢？好似好遥遥无期咁......